E ardhmja e Ousmane Dembele është akoma e paqartë.
Kontrata e francezit skadon qershorin e ardhshëm dhe negociatat me Barcelona-n duket se nuk kanë hyrë akoma në fazën e nxehtë. Juventus është e gatshme të përfitojë nga situata dhe ta marrë lojtarin me kosto zero verën e ardhshme.
Megjithatë, Laporta ka larguar mundësinë e një lamtumirë të Dembele nga Barcelona në fund të sezonit.
“Kemi në program një takim me përfaqësuesit e tij. Marrëdhëniet janë shumë të mira, duam që të qëndrojë te Barça dhe ai e di. Numri shtatë i pëlqen dhe na ka thënë se ka dëshirë të vazhdojë të mbrojë ngjyrat blaugrana”, ka thënë presidenti i katalanasve.
Një lajm i keq për Juventus, që duhet të heqë dorë nga ëndrra për ta marrë Dembele në Torino me kosto zero në sezonin 2021/22.
Francezi ndiqet edhe nga Manchester United.