Sonte Shqipëria do të përballet me Poloninë e Lewandowski & Co në Varshavë teksa – ashtu si pritej – asnjë ndryshim te formacioni kuqezi dhe skema klasike 3-5-2.
Edy Reja ka zbardhur zgjedhjet e bëra për ndeshjen ndaj Polonisë, që nis në 20:45 dhe janë të njëjtët emra, që u njoftuan që dje nga media dhe që ai i ka besuar në shumicën dërrmuese të ndeshjeve.
Në portë do të jetë kapiteni Etrit Berisha, ndërsa 3-shja e qendrës së mbrojtjes do të përbëhet nga Kumbulla, Gjimshiti dhe Ismajli. Në mesfushë nga krahët do të veprojnë Hysaj dhe Trashi ndërsa në qendër do të aktivizohen Abrashi, Gjasula dhe Bare.
Në sulm trajneri Reja ka pasur më shumë dyshime, duke parë formën e mirë që po kalojnë Broja dhe Uzuni, gjithsesi në këtë repart do të konfirmohen Manaj dhe Cikalleshi.
