Max Verstappen me Red Bull siguroi “pole position” në pistën e Zandvoort, i vlefshëm për Çmimin e Madh të Holandës në Formula 1. Piloti holandez nuk zhgënjeu fansat e tij, duke qenë më i shpejti në pistë. Ai dha kohën 1’08”885, rekord për këtë pistë.
Në vendin e dytë u rendit makina Mercedes e Lewis Hamilton, që la pas shokun e tij të skuadrës Valtteri Bottas. Pas tyre u rendit Pierre Gasly me Alpha Tauri, ndërsa dy makinat Ferrari u klasifikuan në vendet 5-6, me Charles Leclerc dhe Carlos Sainz.
Për Verstappen ky ishte “pole” nr.7 i këtij sezoni, duke konfirmuar se është në formë të shkëlqyer. Gjithsesi, diferenca me Hamilton ishte shumë e vogël (vetëm 39 të mijëtat), çka e bën mjaff interesante garën e nesërme (starti ora 15:00).
The home hero takes pole, the Zandvoort crowd goes wild!@Max33Verstappen just edges out Lewis Hamilton with a stunning final flying lap! 👏#DutchGP 🇳🇱 #F1 pic.twitter.com/xEVrpH49AR
— Formula 1 (@F1) September 4, 2021
