Vallteri Bottas do të largohet nga Mercedes në fund të këtij sezoni. Piloti finlandez do të qëndrojë në Formula 1, por do të garojë me makinën Alfa Romeo Racing.
Lajmi u konfirmua nga drejtuesit e makinës Alfa Romeo përmes rrjeteve sociale. Bottas ka nënshkruar një marrëveshje 2-vjeçare dhe do të ketë si shok skuadre Antonio Giovinazzi.
Bottas do të zërë vendin e një tjetër finlandezi, Kimi Raikkonen, që do të largohet nga Formula 1 në fund të këtij viti. Bottas numëron 9 fitore dhe 17 “pole position” në karrierën e tij.
Bottas ishte konsideruar nga Lewis Hamilton si shoku më i mirë i skuadrës që kishte patur në karrierën e tij. Ai kishte kërkuar që finlandezi të qëndronte te Mercedes edhe sezonin tjetër.
Breaking news! 🗞 @ValtteriBottas will join Alfa Romeo Racing ORLEN for the 2022 season and beyond, with the Finnish driver signing a multi-year deal with the Hinwil-based team. pic.twitter.com/2XNeMtUGMn
— Alfa Romeo Racing ORLEN (@alfaromeoracing) September 6, 2021
