Pozicioni i Ronald Koeman në drejtim të Barcelona-s është gjithmonë e më shumë në rrezik.
Sipas TV3, disa anëtarë të këshillit administrativ janë takuar këtë të enjte dhe kanë kërkuar shkarkimin e menjëhershëm të trajnerit holandez.
Për momentin, presidenti Laporta nuk mendon ta marrë këtë vendim drastik, edhe pse nuk ka shumë besim te trajneri.
Koeman ka një kontratë deri në qershorin e 2022 dhe Barça duhet t’i paguajë një dëmshpërblim dhe të gjejë një zëvendësues që, në këtë moment, është e vështirë të gjendet.
Ëndrra është Xavi, i cili ka refuzuar të marrë drejtimin e ish-skuadrës së tij në fillimin e sezonit, kur Laporta ka menduar t’i japë fund bashkëpunimit me ish-trajnerin e Holandës.
