Triumfi në derbi kundër Romës ka entuziazmuar tifozët e Lacios, por edhe vetë futbollistët e skuadrës bardhekaltër. Të gjithë pritnin të shihnin si do të reagonte kjo skuadër në drejtimin e Mauricio Sarrit dhe suksesi në derbi ishte vetëm hapi i parë.
Këtë e shpjegon më së miri Elseid Hysaj. Për mbrojtësin ishte një natë e veçantë, pasi ishte ndeshja e tij e 250 si profesionist nën drejtimin e e Mauricio Sarrit.
“Në gjysmë orën e parë të derbit u pa dora e Sarrit, por ka ende shumë për të mësuar dhe duhet t’i japim kohë. Çfarë mungon? Detaje të vogla, por të cilat janë të rëndësishme. Edhe pak zhdërvjelltësi nga ana jonë, duhet të dimë që jemi të fortë. Unë kam luajtur gjithmonë me të dhe do të mundohem gjithmonë që të jap maksimumin duke ndihmuar shokët e mi të skuadrës”, ishte komenti i Hysajt.
