Rrëfimi i sinqertë i Romelu Lukakut. I intervistuar nga transmetuesi belg “hln.be”, ish-sulmuesi i Interit, i cili u transferua te Chelsea në merkaton e kësaj vere, zbuloi sfondin e negociatave për kthimin e tij te Blutë e Londrës. “Big Rom” pranoi se dëshira e tij ishte me të vërtetë të kthehej në Londër:
“Me ofertën e tretë të Chelsea, e dija se ishte diçka serioze dhe nuk isha më në në Milano me mendjen time. Chelsea ofroi 110 milionë euro, plus Zappacosta, por Interi tha “jo”. Unë shkova në zyrën e Inzaghi për të gjetur një marrëveshje. Isha fizikisht tek Interi, por me mendjen time tashmë ndodhesha te Chelsea. Interi më nxori nga mu*i (bataku), do t’i kisha lënë zikaltrit vetëm për Blutë e Londrës”.
Disa fjalë edhe për “Euro 2020”: “Eliminimi me Italinë? Ata na tejkaluan taktikisht dhe me futboll teknik”.