Kapiteni i Manchester United, Harry Maguire, ka thënë se Raphael Varane do ta ndihmojë të përmirësohet.
Varane pritet të jetë rregullisht në formacionin titullar të Manchester United dhe Maguire ka thënë se është shumë entuziast që do të luajë në krah të katër herë fituesit të Champions League dhe beson se mund të mësojnë nga njëri-tjetri.
“Është një gjë entuziazmuese që e kemi në skuadër dhe që do të luajë përkrah tij”, ka thënë Maguire për kanalin zyrtar të klubit.
“Mendoj se reparti i mbrojtjes do të përforcohet me ardhjen e tij. Ne mund të përmirësojmë njëri-tjetrin dhe kjo është ajo që duam për klubin”.