Trajneri i Al-Rayyan, Laurent Blanc, ka thënë se nuk është i tunduar të kthehet në Europë.
Ish-trajneri i PSG ka qenë kandidat për të marrë drejtimin e Manchester United dhe Barcelona-s në të kaluarën.
“Nuk ka rëndësi. Tani jam këtu. Më pëlqen të punoj në Katar”, ka thënë Blanc për AFP.
“Do të zgjasë sa do të zgjasë, një vit, një vit e gjysmë, dy vite, ose dy muaj. Nuk e di.
“Është një aventurë njerëzore. Nuk është një mungesë ambicie, por është një realitet. Jam në Katar dhe kjo është ajo që më intereson tani”.
