Portieri i Egnatias, Bruno Puja, u bë protagonist të shtunën me gafën e javës në “Abissnet Superiore”.
Teksa po luhej minuta e 59-të e takimit kundër Kastriotit dhe rrogozhinasit po fitonin 1-0, portieri e tepron me një mbajtje topi në zonë, e më pas kërkon të largojë “sferën”, por sulmuesi i krutanëve, Spartak Ajazi, i vjedh kohën.
Topi përplaset tek Ajazi dhe përfundon në rrjetë, duke u shënuar kështu një gol nga hiçi për shkak të gabimit të portierit.
