Shumë lojtarë nga kampionatet më të forta të botës u skadon kontrata në përfundim të këtij sezoni. Një ndër ta është dhe kapiteni i Napolit, Lorenco Insinje. Sulmuesi shihet si një opsion shumë i mirë për vitin tjetër dhe gara për të marrë shërbimet e tij do të jetë e fortë.
Interi është një nga skuadrat që ka shfaqur interes për 30 vjeçarin. Sipas mediave italiane drejtuesit e Interit, kanë kontaktuar menaxherin e lojtarit për të parë mundësinë e transferimit për sezonin e ardhshëm. Drejtori ekzekutiv Bepe Marota e pëlqen shumë lojtarin, por për momentin duhet të zgjidhë çështjet e rinovimit me Nikolo Barelën dhe Marselo Brozoviçin.
President i Napolit, Aurelio De Laurentis i ka ofruar rinovimin Insinjes, por palët janë larg akordit dhe Interi mund të përfitojë.
