Aurelien Tchouameni është “objektivi i ri i Real Madrid”.
Ky është lajmi i Marca-s, sipas së cilës klubi spanjoll ndjek prej kohësh paraqitjet e mesfushorit francez dhe duket se është magjepsur nga cilësia e treguar në finalen e Nations League kundër Spanjës.
Lojtari i Monaco ka përfituar nga mungesat e N’Golo Kante dhe Adrien Rabiot për të siguruar një vend në krah të Paul Pogba dhe e ka shfrytëzuar shumë mirë rastin, pa u ndikuar nga presioni dhe emocionet.
Tchouameni ka një kontratë deri në 2024-ën me Monaco, që e ka marrë për 18 milionë euro nga Bordeaux në janarin e 2020-ës.
Vlera e tij e merkatos është 35 milionë euro aktualisht, por çmimi mund të rritet për shkak të interesimit të klubeve të tjerë, si Juventus dhe Chelsea.
