Peter Schmeichel, portier historik i Manchester United dhe i Danimarkës, ka folur për Jadon Sancho, i cili nuk po luan në nivelet që priteshin pas transferimit për 85 milionë euro nga Dortmund te Djajtë e Kuq.
“United ka shpenzuar një shifër shumë të lartë, që duket se po i rëndon pak në këtë moment. Megjithatë, Sancho duhet të shikojë Ronaldo-n dhe t’i thotë vetes se mund të jetë i fortë si ai”, ka thënë Schmeichel.
Ish-portieri ka folur më pas pikërisht për CR7:
“Është në formë fantastike dhe kjo është sepse ai e merr futbollin shumë seriozisht. Ha, fle, pi dhe stërvitet në mënyrën e duhur, e gjithë jeta e tij rrotullohet rreth futbollit. Mbaj mend kur erdhi Cantona: i bënte gjërat në një mënyrë ndryshe”.