Triumfi përballë Italisë ka kthyer edhe një herë entuziazmin në Spanjë. Mediat iberike i bëjnë jehonë kualifikimit për në finalen e Ligës së Kombeve. Ekipi i Luis Enriques dhuroi një futboll të bukur, pa u larguar nga identiteti i tyre, për më tepër me shumë lojtarë të rijnë dhe premtues. Sigurisht nuk mungojnë as titujt thumbues apo pikant, si ai i AS: “Mamma Mia”.
Në Itali janë të dyzuar, kjo humbje është një kambanë alarmi për të tashmen e afërt, ekipi i Mancinit nuk është më brilant, as i pathyeshëm, por të gjithë të përditshmet bashkohen në një pikë, Italia mbetet kampione europe në fuqi dhe nuk mungojnë as falënderimet.
