Shkupi ka arritur një fitore të thellë 5-0 ndaj Bregalnicës pasditen e sotme në sfidën e luajtur për javën e 12-të të kampionatit maqedonas të futbollit.
Vendasit arritën avantazhin e trefishtë që në pjesën e parë me golat e Cvetanovskit, Ruatubaje dhe Adetunji. Në pjesën e dytë, sërish Cvetanovski dhe goli i Alvarez mbyllën triumfin me poker për skuadrën shqiptare që merr arratinë kundrejt ndjekësve të tjerë.
Shkupi renditet e para në kuotën e 29 pikëve, 8 më shumë se Renova që ka një ndeshje më pak. Shkupjanët janë skuadra pretendente për të fituar titullin këtë sezon, duke parë dhe formën e dobët të Shkëndijës që ndodhet plot 12 pikë larg kryesuesve.
