Riveshja e fanellës së Manchester United nga Cristiano Ronaldo ishte padyshim një nga operacionet më të bujshme të merkatos në vitet e fundit. Në fakt, kampioni portugez vendosi të largohej nga Juventusi për t’u kthyer në Angli, te “Djajtë e Kuq”. Giorgio Chiellini, në një intervistë me DAZN, shpjegoi se për të, lamtumira e CR7 nuk ishte saktësisht një surprizë:
“Ndjeva se mund të largohej gjatë verës, sepse sipas mendimit tim, ne kishim arritur një pikë në marrëdhënie ku Cristiano kishte nevojë për stimuj të rinj dhe një ekip që do të luante për të. Kur gjen një ekip të tillë, ai është gjithmonë vendimtar dhe po e dëshmon përsëri këto muaj. Nuk jam i befasuar, sepse e ka treguar gjatë gjithë karrierës së tij dhe gjithashtu në tri vitet që ka qenë me ne”.