Kolumbiani Radamel Falcao po kalon një moment magjik dhe po udhëheq Rayo Vallecano-n në La Liga me golat e tij.
I fundit ka qenë vendimtar për klubin e tij dhe jo vetëm…
Në fakt, goli i shënuar kundër Barcelona-s, i katërti në sezon, i ka kushtuar stolin Ronald Koeman, i shkarkuar pas ndeshjes nga drejtuesit blaugrana.
Por çfarë fshihet mbrapa momentit magjik të sulmuesit?
Sipas El Transistor, lojtari po bën një ritual para çdo ndeshje. Falcao, nga sa mësohet, shkon në një hotel para çdo takimi për t’u izoluar nga “pjesa tjetër e botës”.
Ai largohet veçanërisht nga jeta e tij në familje dhe nga katër fëmijët për të arritur përqendrimin maksimal. Një mënyrë për të grumbulluar sa më mirë të gjitha energjitë që i duhen për ndeshjet e kampionatit.