Noruiç ende nuk ka shijuar fitoren e parë këtë sezon. Skuadra në të cilën luan Milot Rashica humbi sot ndaj Lidsit 1-2. Rashica zhvilloi një paraqitje pozitive, ku dha dhe një asist.
Të zotët e shtëpisë luajtën një ndeshje të mirë, por pa mundur të siguronin fitoren e para për këtë sezon në Premier Ligë.
Pjesa e parë u mbyll pa gola dhe me pak raste. Në të dytën ishin miqtë që realizuan me Rafinjën në minutën e 56. Vetëm dy minuta zgjati avantazhi pasi Noruiç barazoi. Protagonist ishte Rashica, i cili dha një asist nga goditja këndit për Omabamidele.
Entuziazmi i vendasve nuk zgjati shumë sepse Lids kaloi në avantazh me Rodrigon. Për Noruiçin kjo ishte humbja e tetë në 10 javë kampionat Kjo është një ndër nisjet më të dobëta nga një skuadër në Premier Ligë. Rashica dha asistin e parë në kampionat.
Premier assit de Milot Rashica en Premier League 🏴 https://t.co/XGyTH2u56r
— Football Kosovar 🇽🇰 (@FootballKosovar) October 31, 2021
