Është mbyllur java e 8-të e Superligës kosovare e luajtur ditën e sotme. Prishtina dhe Drita nuk shkuan më shumë se barazimi pa gola në supersfidën e kësaj jave duke marrë nga një pikë.
Për kryeqytetasit debutoi dhe bomberi Besart Berisha, por i cili nuk mundi të lërë gjurmë në këtë takim. NE sfidat e tjera, Llapi mposhti 1-0 Dukagjinin me gol të Riverës, ndërsa Feronikeli trimfoi minimalisht 1-0 në shtëpi ndaj Ulpianës.
Në krye të renditjes pas 8 javësh ndodhet Ballkani me 16 pikë, ndërsa ndjek Drenica me 14 pikë e Gjilani një pikë më pak në vendin e tretë.
REZULTATET
Drita-Prishtina 0-0
Feronikeli-Ulpiana 1-0
Llapi-Dukagjini 1-0
