Borussia Dortmund vazhdon të fitojë pa Erling Haaland, i cili është ndalur nga një dëmtim.
Pas fitores 1-0 në Champions League kundër Sporting, verdhezinjtë kanë mundur 2-1 në shtëpi Augsburg në javën e shtatë të Bundesliga-s.
Takimi i luajtur në Signal Iduna park është zhbllokuar nga një penallti e Guerreiro-s në minutën e 10-të.
Miqtë kanë reaguar në minutën e 35-të me Zeqirin, zvicerani me origjinë shqiptare.
Gjashtë minuta pas fillimit të pjesës së dytë, Borussia është kthyer në avantazh me Brandt. Miqtë janë kundërpërgjigjur përsëri me Zeqirin, por goli i tij është anuluar për pozicion jashtë loje.
Me këtë fitore, Dortmund është ngjitur në vendin e dytë dhe ka shkuar një pikë larg Bayern Munich, që do të presë nesër në shtëpi Eintracht Frankfurt.