Adil Rami është 35 vjeç, por nuk ka hequr dorë nga ëndrra për të veshur edhe një herë fanellën e kombëtares.
Mbrojtësi, kampion bote në 2018-ën, ka folur për kanalet zyrtare të Ligue 1, duke zbuluar dëshirën për të bërë edhe një herë të tijën fanellën e Francës.
“Është pothuajse e paimagjinueshme që unë të kthehem në kombëtare. Megjithatë, është e e vështirë për mua të mos mendoj për këtë. Është pjesë e karakterit tim dhe askush nuk do të më ndaloj të ëndërroj”, ka thënë ish-ylli i Milan-it.
“Njerëzit që do ta lexojnë këtë intervistë, do të thonë ‘Për çfarë po flet? Do të kthehet edhe pse nuk luan’, por kjo është mënyra ime e të menduarit. I them vetes gjithmonë: ‘Nëse bën një sezon të madh me Troyes, pse jo?”, ka thënë Rami.
