“Topi i Artë? Që nga fëmijëria kam ëndërruar ta fitoj, është ëndrra e të gjithë futbollistëve. Unë do të bëj gjithçka të mundshme, do të punoj shumë për ta fituar këtë trofe të madh. Shpresoj ta fitoj atë një ditë”. Këto janë fjalët e Karim Benzema në një intervistë për spanjollen AS. Sulmuesi francez i Real Madridit është përfshirë në listën prej 30 kandidatësh për çmimin prestigjioz.
“Gjëja më e rëndësishme është që njerëzit të argëtohen me futbollin tim, – shtoi Benzema, – për këtë jam i lumtur dhe shumë krenar. Sot sulmuesit janë efektivë edhe pas moshës 30 vjeç, ata ruajnë formën e shkëlqyer dhe ende mund të shënojnë shumë”.
Për finalen e Ligës së Kombeve në Milano, kundër Spanjës: “Spanjollët kanë një kombëtare shumë të re, por me shumë talent. Shpresoj se do të shohim një ndeshje të mirë që do t’i bëjë njerëzit të lumtur. Unë jam shumë i lumtur në sulm dhe më pëlqen të luaj me Mbappè e Griezmann”.
