Tashmë është gjithçka e kryer, Çelsi ka bërë blerjen e parë për merkaton e verës dhe ai është qendërmbrojtësi i Fenerbaçes, Atila Zalai.
23-vjeçari është 1.92m i gjatë dhe mbrojtës shumë me perspektivë, ndërsa rritja e tij e menjëhershme si futbollist ka përkuar me një transferim të madh drejt gjigantëve të Anglisë.
Polaku do të transferohet në Londër për shumën e 24 milionë euro, duke blinduar mbrojtjen e bluve. Ky transferim do t’i hapë rrugën e transferimit të Antonio Rudiger drejt Real Madrid, pasi madrilenët kanë kohë që janë vënë pas mbrojtësit gjerman. Atila Zalai është lideri i mbrojtjes te Polonia dhe një ndër lojtarët kyç të kombëtares.
23-vjeçari ishte titullar në dy sfidat që polakët luajtën me Shqipërinë, duke qëndruar në fushë për 90 minuta. Një hap i madh në karrierë për futbollistin polak që lë kampionatin turk për kampionatin më të mirë të futbollit në botë.
