Real Madrid ka mposhtur 2-1 Shaktar Donjetksin në një sfidë ku Benzema shkëlqeu me dygolësh.
Goli i parë u shënua nga Benzema në minutën e 14. Vinisius përfitoi nga një gafë e kundërshtarëve dhe pasoi tek Benzema që shënoi një gol tepër të thjeshtë. Ky ishte goli numër 1000 për Realin në kompeticionet europiane. Askush nuk ka shënuar më shumë se spanjollët.
U duk sikur Reali mori kontrollin e ndeshjes, por në momentin më të mirë të tyre Shaktari barazoi rezultatin. Në minutën e 38 Fernando mori një pasim shumë të bukur dhe me një kthesë e dërgoi topin në fundin e rrjetës.
Në pjesën e dytë ishte përsëri Benzema që me një goditje brenda zone shënoi golin e dytë personal.
Me këtë fitore Reali ngjitet në vendin e parë në grupin D me 9 pikë, kurse Shaktari mbetet në vendin e fundit me vetëm 1 pikë.
