Ish-futbollisti Garra Dembele, është kthyer sot në personazhin e ditës pas intervistës së bujshme që ka dhënë për “L’Equipe”. Në një dokumentar të publikuar nga gazeta prestigjioze franceze, ai ka pranuar se ka qenë i dopuar për pjesën më të madhe të karrierës, duke luajtur edhe në klube me emër si Frajburgu në Gjermani.
“Në Bullgari, kur përfundonim ndeshjet e Ligës së Europës, ne pinim çaj me barishte. Menjëherë pas ndeshjes, merrja produkte që nuk e di me saktësi se çfarë ishin”, tregoi lojtari i cili ka veshur fanellën e Lokomotiv Plovdiv dhe Levski Sofje atje.
“Në Gjermani, kur isha te Frajburgu, kisha në trupin tim substanca të cilat ndaloheshin në atë vend. Isha i dopuar dhe kisha hormone në trupin tim. Kisha një kuti me numrin tim që në ditën e 11 pasi mbërrita atje, më duhej të merrja rreth 10 tableta pas stërvitjes.
Nuk e di se çfarë ishin. Nuk kisha zgjidhje tjetër përveçse t’i pija, pasi përndryshe do të gjobitesha. Pas ndeshjeve në fundjavë, kur kishim kontroll antidoping, isha i frikësuar. Urinoja, por me sa duket nuk kishte asnjëherë diçka që shfaqej në teste”, tregoi ish-sulmuesi.
