David Henderson, njeriu që organizoi fluturimin që rezultoi fatal për Emiliano Sala në janarin e 2019-ës, është dënuar sot nga drejtësia britanike me 18 muaj burg.
I gjykuar tetorin e kaluar për “pakujdesi dhe neglizhencë”, është deklaruar edhe fajtor se ka transportua një pasagjer pa një autorizim të vlefshëm.
Vetë Henderson duhej ta kishte pilotuar fillimisht avionin Piper PA-46 Malibu, i rënë në Kanalin e la Manshit. Ai ishte me pushime me gruan në Paris dhe ia ka lënë detyrën David Ibbotson, i cili nuk kishte licencën për fluturime komerciale dhe nuk mund ta drejtonte avionin natën.
Prokurori Martin Goudie e ka akuzuar të pandehurin se ka vepruar “në interesin e tij financiar”, sepse e dinte shumë mirë se piloti nuk ishte i kualifikuar: “Ka injoruar disa masa sigurie për interesat e tij komerciale”.