Boks Sport Të tjera

VAZHDON I PAMPOSHTUR/ Florian Marku ngjit shkallë të tjera në renditjen botërore pas suksesit të radhës

Florian Marku vazhdon marshimin e pandalshëm. Kampioni shqiptar triumfoi në duelin e të shtunës në darkë ndaj francezit Janik Luiseto në ndeshjen e tij të 11-të në ringun profesionist, duke çuar në 10 numrin e fitoreve, ndërsa një duel është ndarë në barazim. Një ecuri e cila po e ndihmon boksierin e lindur në Lushnje që të ngjitë hap pas hapi shkallët në renditjen botërore.

Disa muaj më parë, Marku gjendej në vendet e ulëta të klasifikimit të peshës velter në të cilën bokson. Por pas serisë së fitoreve radhazi, ai e sheh veten në pozita shumë më të mira, aq sa portali i njohur Boxrec  i specializuar për këtë sport, e rendit atë në vendin e 62-të në klasifikimin botëror. Marku gjendej në vendin e 66 para ndeshjes së mbrëmshme, por me suksesin e arritur në këtë sfidë, ka fituar pikë për të qenë në vendin e 62-të.

Boksieri shqiptar shpreson që të sfidohet nga një prej boksierëve që gjendet shumë më lart në klasifikim, pasi kështu do të kishte mundësinë që të fitonte më shumë pikë e pozicione në këtë renditje dhe të shfaqej mes 10-15 më të mirëve në Federatat kryesore të boksit profesionist. Ai ka sfiduar disa herë hapur britanikun Konor Ben, i cili është i 15-ti në renditjen e Boxrec, por ky i fundit deri tani ka evituar një duel me sfiduesin shqiptar.

Related posts

Teuta “peshkon” në Kroaci, firmos me talentin shqiptar nga Hajduku i Splitit

Isa.Autor

Nis takimi i Grupit E, Zvicra e shqiptarëve sfidon 5 herë kampionët e botës

Sadik.Autor

Insigne “show”/ Napoli kap Juventusin dhe shpreson te Frosinone (FOTO)

Isa.Autor

Leave a Comment