Skuadra e San Antonio ka triumfuar 126-104 ndaj Milwaukee, një rezultat disi surprizë, teksa është ndalur ekipi më i mirë në NBA. Spursat e dominuan ndeshjen dhe e merituan fitoren, me DeRozan që realizoi 25 pikë, mbështetur edhe nga Mills me 21 pikë. Për Bucks u dallua Antetokounmpo, që realizoi 24 pikë e 12 rebound, por që mbetën për statistikë. Fiton edhe ekipi i Sacramento, që mposhti 111-98 nënkampionët e Golden State, me Hield dhe Fox që realizuan nga 21 pikë secili.
Denver vijon të qëndrojë në grupin e ekipeve elitë në Konferencën e Perëndimit, duke fituar 123-115 ndaj Atlanta. Ndeshje e jashtëzakonshme për Nikola Jokic, që realizoi 47 pikë, i papërmbajtshëm në parket. Ekipi i Dallas, falë një “triple double” të Luka Doncic (38 pikë, 11 rebound e 10 asist), mposhti 118-110 Chicago. Fitore të vështirë korri skuadra e Washington, që mundi 99-94 Boston (Smith 27 pikë), ndërsa Philadelphia triumfoi 120-113 ndaj Oklahoma (Richardson 23 pikë).
NBA – Rezultatet e sotme
Charlotte – Indiana, 104-115
Orlando – Brooklyn, 101-89
Philadelphia – Oklahoma, 120-113
Washington – Boston, 99-94
Atlanta – Denver, 115-123
New Orleans – Utah Jazz, 126-128
Dallas – Chicago, 118-110
San Antonio – Milwaukee, 126-104
Sacramento – Golden State, 111-98
