“Fëmijët me siguri do të jenë tifozë të skuadrave të ndryshme, shpresoj të sjell një moment lumturie në një situatë mjaft të vështirë”. Me këto fjalë, Roberto Mancini, trajneri i kombëtares italiane të futbollit, prezantoi vizitën e tij në departamentin e neuropsikiatrisë pediatrike të pavijonit pediatrik të spitalit “Sant’Orsola” në Bologna.
Trajneri shoqërohej nga profesori Duccio Maria Cordelli, drejtor i departamentit dhe nga Alessandro Arcidiacono, president i shoqatës “Bimbo tu”. I pyetur për ndeshjet e “play-off”-it për kualifikimin e kombëtares në Kupën e Botës 2022 në Katar, Mancini u përgjigj: “Nga tani deri në mars ka ende kohë dhe shpresojmë të jemi në gjendje t’u bëjmë një dhuratë të gjithë italianëve, edhe fëmijëve që vuajnë më shumë”.
