Gjykata e Lartë e Spanjës ka anuluar këtë të mërkurë vendimin që detyronte Gerard Pique të paguante 2.1 milionë euro ndaj autoriteteve fiskale për një shkelje të supozuar në lidhje me të drejtat e tij të imazhit.
Dënimi është dhënë nga gjykata kombëtare në majin e 2019-ës për një çështje të 2016-ës, kur një gjykatë administrative e dënoi mbrojtësin e Barçës se kishte “simuluar” transferimin e të drejtave të imazhit në shoqërinë e tij Kerad Project, me qëllimin për të paguar më pak taksa në vitet 2008, 2009 dhe 2010.
Megjithatë, Gjykata e lartë, e ka përmbysur vendimin me arsyetimin se shoqria Kerad Project nuk ishte thjesht një mbulim dhe duke njohur punën e kësaj shoqërie, që menaxhohet nga vëllai i Pique.
Përveç shfajësimit, Pique edhe do të rimbursohet.