Andrea Konti pas zero minutave të luajtura në fazën e parë duket i destinuar të largohet përfundimisht nga Milani gjatë merkatos së janarit.
Janë disa klube të interesuara për anësorin, por që ka më tepër shanse të përfundojë te Xhenoa e Shevçenkos. Pietro Pelegri është një tjetër element që ka dështuar.
Më shumë për shkak të dëmtimeve sesa për lojën e tij, talenti i huazuar nga Monakoja mund të rikthehet në Principatë. Vendimtar në këtë aspekt do të jetë afrimi që kuqezinjtë do të bëjnë për sulmin gjatë janarit.
Edhe Samu Kastijeho i ka valixhet gati. Spanjolli ka shumë kërkesa në atdhe dhe mund të thotë lamtumirë në javët në vijim.