Inter është në garë për titullin në Serinë A dhe në 1/8-at e Champions League. Pavarësisht ecurisë së mirë, zikaltrit po punojnë që ta përforcojnë akoma më shumë skuadrën.
Sipas calciomercato.com, milanezët e kanë zgjedhur objektivin për 2022-shin: GianlucaScamacca.
Sulmuesi i Sassuolo-s pëlqehet prej kohësh dhe në javët e fundit duket se ka patur disa kontakte. Për realizimin e operacionit do të duhet një investim i rëndësishëm nga kampionët në fuqi të Italisë.
22-vjeçari vlen 30 milionë euro, shifër që Sassuolo do ta kërkojë deri në qindarkën e fundit. Viti 2022 mund të jetë viti i tij. Javët e ardhshme do të tregojnë diçka më shumë.
