Interi ka marrë një fitore të rëndësishme në garën për titullin kampion. Skuadra e Inzagit mundi Romën në transfertë me rezultatin 0-3.
Ndeshja u zhbllokua me mesfushorin Çalhanoglu, i cili realizoi një supergol nga goditja e këndit. Zikaltërit dyfishuan me Xhekon. Sulmuesi nuk festoi pasi ka qenë lojtar i Romës. Në fundin e pjesës së parë shënoi dhe Damfris.
Interi me këtë fitore shkon në kuotën e 37 pikëve dhe vazhdon garën për titullin kampion.
