“Thirrja nga Juventusi? Ishte një nga emocionet më të mëdha të jetës sime”
Fjalë dhe muzike nga Paulo Dybala, intervistuar sot nga gazetarët e rinj si pjesë e një nisme që synonte tifozët e tij më të rinj të Juventusit: “Shumë më kishin telefonuar sepse po ia dilja mirë te Palermo. Por kur agjenti im më tha për Juventusin, i kërkova që të mos dëgjonte asnjë ofertë tjetër. Ishte një emocion i madh”.
Ju keni filluar të luani futboll vonë.
“Duhet të luftosh për ëndrrat e tua. Nëna ime donte që unë të studioja, por vëllezërit e mi e bënë atë të ndryshonte mendje. Të fillosh më vonë nuk do të thotë asgjë, shumë profesionistë e nisën në 13-14”.
Si e përballoni presionin?
“Kur arrij në stadium ose në fusha të tjera përpiqem të relaksohem, nuk është e lehtë sepse ndoshta përballesh me rivalë të fortë, por është gjithmonë një lojë. Kur flas me më të rinjtë, gjithmonë përpiqem të shpjegoj se gjëja më e mirë është të argëtohesh në fushë. Është një sport i jashtëzakonshëm që sjell kaq shumë emocione”.
Si të bëhesh kampion?
“Unë gjithmonë jap të njëjtat këshilla, por secili pastaj rritet ndryshe. Unë kam lindur në një qytet të vogël. Unë dhe familja ime kemi bërë shumë sakrifica për të luajtur në Serinë B të Argjentinës, në një ekip që është shumë larg Juventusit. As që e imagjinoja të mbërrija këtu, ishte e paimagjinueshme për mua të shkoja atje duke parë nga ku vuajta. E rëndësishme është të vazhdosh të ëndërrosh dhe të argëtohesh në fushë”.
I gjuani penalltitë apo goditjet e lira më mirë?
“Kohët e fundit goditjet e denimit. Më pëlqejnë sepse i stërvit më shumë dhe për mendimin tim një gol nga gjuajtja e lirë është më i mirë se një gol nga penalltia. Por të dyja janë të vështira”.
Çfarë kërkoni si dhurate Krishtlindje?
“Mendoj se lista është gjithmonë shumë e gjatë, ka kaq shumë gjëra që mund të kërkosh. Në nivel futbolli, shpresoj qe Santa Claus mund t’i sjellë Juventusin Ligën e Kampionëve, pastaj do të doja Kupën e Botës me Argjentinën. Të ëndërrosh është falas…”.
Çfarë emocioni përfaqëson kombëtarja?
“Kam luajtur gjithmonë atje, në Argjentinë kur lind një fëmijë i japin topin edhe para biberonit. Të luash për kombëtaren është një ëndërr, të lesh vendin tënd për ta përfaqësuar atë është një nga gjërat më të bukura në botë”.
Sa peshon bluza me numrin 10?
“Është një numër që peshon shumë, duhet të japësh gjithnjë e më shumë. E dimë shumë mirë se sa fenomene ka pasur këtu te Juve, kaq shumë lojtarë që kanë fituar Topin e Artë ose në çdo rast diçka të rëndësishme. Për mua është një nder unik pasi klubi më kërkoi ta vesh atë, pavarësisht se kam pasur tashmë 21 që do të thotë shumë këtu te Juve. Mendova shumë përpara se të pranoja 10, por jam i nderuar, shpresoj t’u kthej të gjithë fansave diçka spektakolare”.
