Për mikrofonat e “Tuttosport”, José Altafini ka prognozuar ndeshjen mes Milanit dhe Napolit, e veçantë për të, si ish-lojtar i të dyja skuadrave. Këto janë fjalët e tij: “Më mirë do të ishte për spektaklin nëse do të zhvillohej disa javë më parë. Do të dalin në fushë dy skuadra, të cilat janë në vështirësi të mëdha për shkak të dëmtimeve”.
Më pas, disa fjalë për Ibrahimoviç: “Për mendimin tim duhet të përdoret në gjysmën e dytë të ndeshjes, jo më nga pjesa e parë dhe nga fillimi i lojës. Edhe me Udinese ndodhi që ai të mos i jepte maksimumin. E kam fjalën për disa situata në pjesën e parë të ndeshjes, ndërsa në fund përfitoi nga lodhja e kundërshtarëve”.
