Futbolli njeh shumë momente të paparashikueshme dhe madje shumë të çuditshme. Rasti i fundit ka ndodhur në Kroaci me ekipin e Dinamo Zagrebit.
Sulmuesi Bruno Petkoviç mori përsipër të godiste një penallti në minutat e fundit të lojës. Ai ja arriti të shënonte, por goli iu anulua sepse nuk e ekzekutoi si duhet. Për këtë arsye arbitri i dha karton të verdhë që ishte i dyti për lojtarin dhe si rrjedhojë ai doli me karton të kuq.
Të gjithë u habitën nga vendimi i arbitrit pasi kanë ndodhur dhe raste të tjera që lojtarët të gabojnë, por jo të merren këto masa. Aq më tepër që kjo ndikoi që Petkoviç të dilte nga fusha e lojës.
Videoja e kësaj ngjarjeje ka bërë namin nëpër rrjetet sociale.