Jemi në fundin e vitit të 2021 dhe është mbyllur faza e parë e sezonit. Rikthehet dhuna në ndeshjet e kampionatit dhe stadiumet shqiptare.
Protagonizmi nuk mungon nga tifozët e klube ku provokojnë, fyejnë, godasin me sende të ndryshme por së fundmi janë shtuar dhe trajnerët që agravojnë dhe ndezin konflikte në fushë gjatë ndeshjes.
AlpeSport.al
Ndeshja Laçi-Tirana (Superiore)
Në ndeshjen Laçi-Tirana, e vlefshme për takimin e fundit të javës së 13-të në Kategorinë Superiore, dy tifozeritë kanë krijuar skena dhune. Të dyja tifozeritë filluan duke goditur njëri-tjetrin me stola, ku nuk munguan dhe personat që donin të hiqnin barrierën e hekurit që ndan dy anët e tifozerisë.
Ndeshja Kukësi-Laçi (Superiore)
Ndeshja mes Kukësit dhe Laçit në “Air Albania” është përjetuar me shumë stres dhe në çastet e fundit të saj, u shmang edhe një përplasje mes trajneri të verilindorëve, Diego Longo, dhe pjesëtarëve të stafit të kurbinasve. Në momentin e gjuajtjes së penalltisë që u gabua nga Hila, festimi i një prej pjesëtarëve të stafit të Laçit nuk i pëlqeu Longos i cili u vërsul nga pankina kundërshtare dhe i kërkonte gjyqtarit të katërt që të ndërhynte duke e cilësuar si sjellje ofensive. Trajneri italian vazhdoi të reagonte ndaj pankinës kundërshtare derisa iu afrua Mirel Josa i cili e qetësoi atë dhe duke mbyllur këto momente të tensionuara edhe jashtë fushës së lojës.
Klosi-Elbasani (Kategoria e Dytë)
Përballja mes Klosit dhe Elbasanit në Kategorinë e Dytë degjeneroi me skena dhune. Sfida luhej në fushë asnjanëse të Shënkollit duke e bërë dhe më problematike sfidën. Elbasani gjeti golin e avantazhit me anë të Mustafajt në minutën e 90-të të takimit, por këtu nis dhe nxehja e gjakrave. Gjolena i Elbasanit u ndëshkua me karton të kuq dhe u nis për të dale avash nga fusha. Kjo solli nervozizëm te lojtarët e Klosit duke çuar në përplasje fizike. Më e keqja ishte se nuk kishte asnjë polic që të çonte situatën në kontroll duke e bërë dhe më kritike gjendjen e cila për fat të mire përfundoi me ndërhyrjen e të dyja stafeve.
Maliqi-Korabi (Kategoria e Parë)
Ndeshja mes Maliqit dhe Korabit në Kategorinë e Parë përfundoi me shumë tensione. Shkak u bë një penallti e fituar nga vendasit në minutat e fundit të ndeshjes. Deri në ato momente Korabi po kryesonte dhe gjyqtari Bylykbashi akordon penallti ne minutën 90+4′. Kjo bëri që stafi i miqve të mos përmbahej dhe të gjithë u futën në fushën e lojës.Penalltia u kthye në gol nga mbrojtësi Paoli Ivani dhe ndeshja përfundoi barazim mes tensioneve.
Vllaznia-Kastrioti (Superiore)
Në sfidën ndaj Vllaznisë, krutanët e panë vetën në disavantazh të dy golave duke humbur krejtësisht toruan. Por përveç lojtarëve në fushë, dhe tekniku Ramazan Ndreu u duk mjaft i irrituar në bankinën e tij. Në një moment, Tomas Brdariç niset drejt Ndreut për të marrë një top, por trajneri i krutanëve dukej mjaft i nxehur dhe goditi topin në anën tjetër të bankinës. Ky moment shkaktoi mjaft ovacione e vërshëllima në “Loro Boriçi”, por trajneri Tomas Brdariç që ishte protagonist e mori me sportivitet episodin duke qeshur.
Skënderbeu-Kastrioti (Superiore)
Ndeshja mes Skënderbeut dhe Kastriotit është përjetuar si një finale e vërtetë për mbijetesën dhe tensioni ishte i pashmangshëm në fushën e lojës, por edhe pas ndeshjes. Kjo ka bërë që sfida të mbyllet me një episod të shëmtuar, pasi trajneri i Kastriotit, Ramazan Ndreu, ka goditur me shkelm futbollistin e Skënderbeut, Leonat Vitija. Fillimisht mbrojtësi i vendasve u konfliktua me Grecën, me të cilin kishin pasur përplasje edhe gjatë ndeshjes. Por pastaj Ndreu u afrua dhe goditi me shqelm lojtarin e korçarëve. Ai u ndal nga vetë gjyqtari i takimit, Klodian Shahini, i cili e kapi nga krahët trajnerin për ta nxjerrë jashtë fushës së dhomës.
AlpeSport.al
