Ish-kapiteni i Romës Edin Xheko, sot sulmues tek skuadra e Interit është vënë re në stadiumin e Bergamos duke parë ndeshjen Atalanta–Roma dhe duke përkrahur këtë të fundit në rrugën drejt fitores.
Sulmuesi boshnjak me sa duket nuk e ka të lehte ndarjen nga Roma dhe vazhdon ta ndjekë me kujdes skuadrën ku luajti për shumë vite. Kujtojmë këtu se Xheko u bë pjesë e Romës në vitin 2015 dhe ka luajtur për kryeqytetasit plot pesë sezone në të cilat ka qenë një lojatr vendimtar për Romën dhe me një numër të madh golash të shënuar.
Me sa duket, Xheko e ka patur këmbën e mbarë, pasi Roma fitoi ndaj Atalantës dhe bëri një hap të rëndësishëm drejt sigurimit të një vendi në Europë në edicionin e ardhshëm.