Trajneri i Juventusit, Masimiliano Alegri, nuk e ka fshehur zhgënjimin e tij pas gabimit të radhës të skuadrës, e cila u ndal në barazimin 1-1 ndaj Venecias. Pas sfidës, ai theksoi se problemi i Juventusit ishte qartësisht psikologjik pasi bënte një ndeshje të mirë dhe pastaj shkatërronte gjithçka me 10-15 minuta.
“Në pjesën e parë kemi bërë mirë, duke krijuar e gjuajtur në portë. Kishte një periudhë prej 10-15 minutash ku ishim në “blackout”, deri te goli i Venecias, na kishte ndodhur edhe në Salerno. Vetëm se aty kemi qenë me fat, ata goditën shtyllën, ndërsa sot jo.
Mjaftonte që të kishim durim dhe të luanim 2-3 topa te sulmuesit për të kaluar atë moment, por nuk ia dolëm. Janë dy pikë të hedhura tutje ndaj një Venecie shumë të mirë”, tha Alegri pas sfidës.