Dy vite pas hedhjes së famshme të fanellës drejt tifozëve, Granit Xhaka është kthyer të flasë për marrëdhënien me Arsenal-in, që nuk ka qenë kurrë kaq e fortë sa tani. Merita? E trajnerit Mikel Arteta që ka besuar tek ai, në fushë dhe jashtë.
I ardhur në vend të Emery, trajneri i ri i ka dhënë një jetë të re sportive mesfushorit me origjinë shqiptare, i cili ka kaluar nga lamtumira e mundshme te rinovimi i kontratës.
“Është pjesë e jetës. Kisha arritur në pikën që ishte e qartë se duhej të largohesha. Më pas diçka ka ndryshuar me Arteta-n. Ai është arsyeja pse jam akoma sot tek Arsenal”, ka thënë Xhaka për The Athletic.
“Ajo që ka ndodhur dy vite më parë (fanella e hedhur drejt tifozëve) më ka ndihem të rritem dhe mendoj se mund t’ua rrëfej një ditë fëmijëve të mi. Nuk mund të them se sot unë dhe tifozët e Topçinjve jemi miq të ngushtë, por që jemi afruar. Sigurisht, më duan më shumë se sa dy vite më parë”.
