Në përballjen e nesërme me Kaljarin, Interi do të luajë jo vetëm objektivin titull duke shpresuar në gabimin e Milanit sot, por do t’i gëzohet edhe rikthimit në dispozicion të trajnerit të Stefan de Vrajit.
Qendërmbrojtësi, i cili mungon prej një muaji pas një dëmtimi të pësuar me kombëtaren, do u bashkohet të zakonshmëve Shkriniar e Bastoni për të formuar murin para Handanoviçit.
Ndërkohë që në krahun e djathtë të mesfushës me pesë, pritet aktivizimi i xholit D’Ambrozio, i cili do të marrë vendin e Dumfrisit që ndeshja me Realin nuk e la në formën e tij më të mirë fizike dhe do e nisë nga stoli.
Në këtë krah vazhdon të mungojë Darmian, i cili bashkë me Ranokian priten të kthehen javën e ardhshme. Pjesa tjetër e mesfushës do të jetë e njëjtë me treshen Brozoviç-Barela-Çalhanoglu që plotësohen nga Perisiç në krahun e majtë.
Surpriza e vërtetë e Inzagit do të vijë në repartin e avancuar aty ku dyshja e sulmit do të përbëhet nga Lautaro dhe Sançez. Tekniku ka vendosur t’i besojë kilianit nga minuta e parë dhe me Korrean të dëmtuar që ka mbyllur 2021- shin, Xheko do të jetë i vetmi sulmues tipik që zikaltrit do të kenë si alternativë.
