Një video e papublikuar po qarkullon këto orë në rrjetet sociale. Shumë i ri, Phil Foden, ndoshta vetëm 11 vjeç në atë kohë, kishte dhënë një opinion për Mario Balotelli. Djaloshi anglez, tashmë te Manchester City, ishte pyetur nga Gian Luca Rossi për qendërsulmuesin italian të ekipit të parë.
Përgjigja e atij që është bërë sot një nga futbollistët më të rëndësishëm në botë ka qenë padyshim kurioze dhe, në një farë kuptimi, largpamëse. “Balotelli është në ekipin e parë të Manchester City. Çfarë mendojnë anglezët?” – ishte pyetja e shtruar për Foden.
I riu iu përgjigj drejtpërdrejt: “Ai është një lojtar i fortë, por jashtë fushës sillet si një fëmijë i madh…” Një koment që, në retrospektivë, doli i saktë. Sot Foden po gdhend një hapësirë shumë të rëndësishme për veten në futbollin europian me “qytetarët” dhe Anglinë.
10 year old @PhilFoden giving his thoughts on then Man City player Mario Balotelli 🇮🇹 pic.twitter.com/U4DiczOK4J
— S Nerazzurro (@SaifNerazzurro) January 11, 2022
