Mesfushori i Olimpikos, Aguibou Kamara, është kthyer në një objektiv kryesor për Jurgen Klop këtë merkato dimri. Talenti nga Guinea është gjithashtu dhe në radarët e Milanit, me klubin “kuqezi” që kërkon të afrojë mesfushorin.
Kamara ka dhuruar një performancë fantastike me kampionët e Greqisë këtë sezon, i cili në 14 ndeshje ka shënuar 4 gola dhe ka dhënë 4 asist. Kështu djaloshi ka ngritur interesin e shumë ekipeve në Europë, përfshirë Milanin e Liverpulin. Por duket se ekipi i Klop është më pranë nënshkrimit me mesfushorin, por presioni nga ana e Milanit nuk mungon.
Gjithsesi duke se Kamara nuk është shumë i përqëndruar te merkato këto kohë. 20-vjeçari do të bashkohet shumë shpejtë me përfaqësuesen e Guineas për Kupën e Kombeve të Afrikës dhe është gati të ndihmojë kombëtaren e tij për të ecur sa më shumë në këtë kompeticion.
