Real Madrid kërkon të sjellë në La Liga mesfushorin anglez Kalvin Mark Phillips, që luan me skuadrën e Leeds United. Për lojtarin është interesuar edhe Liverpool, por sipas të përditshmes “El Nacional”, trajneri Carlo Ancelotti e kërkon me ngulm lojtarin 26-vjeçar.
Sipas Ancelotti, mesfushori që luan në Premier League dhe kombëtaren e “3 luanëve”, është zëvendësuesi ideal i Casemiro. Problem do të jetë shuma që skuadra e Leeds kërkon për Phillips, 35 milionë euro.
Gjithashtu, do të shihet edhe dëshira e lojtarit, nëse dëshiron të largohet nga Anglia apo jo. Gjatë gjithë karrierës së tij, lojtari ka veshur vetëm fanellën e Leeds United.
