Legjenda e boksit Floyd Mayweather ndodhet në Dubai për të ndihmuar ish-kampionin e botës në peshën e rëndë, Anthony Joshua, që po kryen në këtë vend përgatitjet për revanshin ndaj ukrainasit Oleksandr Usyk. Sipas mediave britanike, Mayweather ka hyrë në stafin e Joshua, duke e ndihmuar me këshillat e tij për sfidën që dy boksierët pritet të zhvillojnë në pranverën e këtij viti.
Mayweather ndodhet në Dubai edhe për çështje të tjera, për të stërvitur disa nga boksierët e tij dhe, me këtë rast, ka vendsur të ndihmojë Joshua. Në rrjetet sociale janë postuar foto e video nga stërvitja që Joshua po bën me Mayweather.
“Gjëja më e mirë është të ndihmojë brezin e ri. Respekte të mëdh për ty kampion”, ka qenë mesazhi që Joshua i ka dhënë Mayweather. Ish-boksieri amerikan edhe më parë ka shprehur simpatinë e tij për Joshua, duke u shprehur i gatshëm ta ndihmojë.
