Ralph Rangnick nuk tërhiqet mbrapa.
Në orët e kaluara është folur për një pakënaqësi të madhe mes lojtarëve të Manchester United kundrejt stilit të lojës së trajnerit të ri.
“Kemi një skuadër të madhe. Nëse ke kaq shumë lojtarë është normale që disa të mos luajnë ose të mos grumbullohen”, ka thënë Rangnick në prag të ndeshjes së Kupës së Anglisë kundër Aston Villa-s.
“Është normale që ata të mos jenë të kënaqur me situatën. Kemi edhe lojtarë që kanë kontrata drejt skadencës në verë dhe ndoshta edhe një ose dy që duan të largohen edhe pse kanë një kontratë.
“Mund t’u kërkoj lojtarëve që të përballen me këtë situatë në mënyrë profesionale dhe nga ajo që po shikoj po e bëjnë. Nëse do ta kuptoja se nuk është kështu, atëherë do t’u drejtohem direkt lojtarëve”.
