Infektimet me COVID-19 janë rritur ndjeshëm në Itali dhe jo vetëm.
Së fundmi variantit më të ri të Koronavirusit “Omicron” nuk i ka shpëtuar as ish-portieri legjendar i Juventusit, Xhanluixhi Bufon, i cili aktualisht mbron portën e skuadrës së Parmës në Serinë B italiane.
Këtë lajm e ka bërë vetë publike klubi nga Emilia-Romanja, e cila me anë të një komunikate në sajtin e saj zyrtar ka njoftuar se Bufon është infektuar me SARS-COV-2, duke thënë se gardiani 43-vjeçar është vetë-izoluar menjëherë.
Një lajm i keq ky për ekipin e Parmës që nuk do të ketë gati Bufonin për ndeshjet e ardhshme të Serisë B.
Comunicato #Covid_19 📝⤵️#ForzaParma 🟡🔵https://t.co/wvAPSTTinp
— Parma Calcio 1913 (@1913parmacalcio) January 4, 2022
