Sulmuesi belg i Napolit, Dris Mertens, është vënë nën radarët e Torontos. Pas zyrtarizimit të Lorenco Insinjes, klubi kanadez kërkon të afrojë dhe 34-vjeçarin.
Gjithsesi për të arritur te belgu, Toronto do ta ketë shumë më të vështirë se me Insinjen. Mertens gjithmonë e ka shprehur pëlqimin për Napolin.
Sipas “Correre dello Sport”, belgu ka shprehur dëshirën për të rinovuar, por nuk është e lehtë. Parim kryesor për Napolin është të sigurojnë një vend në Ligën e Kampionëve sezonin e ardhshëm.
Rinovimi me Mertens do t’i kushtojë belgut një përgjysmim të pagës aktuale. Por gjithçka do të vendoset vetëm në fundin e sezonit.
