Vedat Muriqi është një nga lojtarët që do te largohet nga Lazio. Ëndrra e tij do të ishte kthimi në Turqi dhe sa herë që mund të bëjë deklarata nuk e fsheh dashurinë e tij sidomos për qytetin e Stambollit.
Pak ditë më parë lojtari ishte i ftuar në një transmetim turk në Kanal D dhe bëri këto deklarata: “Jemi shumë të lumtur që ndodhemi në këtë qytet të bukur – tha ai duke iu referuar destinacionit të tij të pushimeve, që është kryeqyteti turk. Familja dhe une e kemi dashur dhe e duam. Ne përpiqemi të vijmë sa herë që mundemi edhe nëse kemi vetëm një ose dy ditë pushim”.
Lojtari prej kohësh i ka shkelur syrin një rikthimi te Fenerbahçe, por për momentin askush nuk është shfaqur me Taren dhe Lotiton. Edhe gruaja e sulmuesit, nuk e fsheh pakënaqësinë ne Rome dhe dëshirën për t’u rikthyer në Turqi: “Nuk kam qenë kurrë e kënaqur në Romë. Do të doja të kthehesha në Stamboll dhe të lexoja mendjen e presidentit të Fenerbahces”.
Një tjetër mesazh i qartë për një kthim, i cili megjithatë nuk premton të jetë i lehtë…