Mbrojtësi Thomas Vermalen, ka vendosur t’i japë fund karrierës futbollistike në moshën 36-vjeçare. Vendimi është bërë i ditur nga vetë belgu, nëpërmjet një postimi në faqen zyrtare në “Instagram”.
“Jam jashtëzakonisht krenar dhe mirënjohës të njoftoj se do të bëhem ndihmës trajner i kombëtares belge. Duke pritur me padurim këtë hap të ri dhe sfidë të re në jetën time.
Kam vendosur të tërhiqem nga futbolli profesionist. Unë kam qenë shumë me fat që kam luajtur për klubet të shkëlqyera dhe për këtë jam jashtëzakonisht mirënjohës. Faleminderit të gjithëve për mbështetjen gjatë gjithë karrierës sime”, ka shkruar Vermaelen.
Mbrojtësi belg ka pasur një karrierë mjaft të pasur, duke u angazhuar me skuadra si Arsenal dhe Barcelona, por edhe me kombëtaren e Belgjikës.
Së fundmi Vermalen, ishte pjesë e Visen Kobe në Japoni, ku mbylli edhe karrierën si futbollist. 36-vjeçari gjithashtu arriti të vishte edhe fanellën e Romës, ku u aktivizua 9 ndeshje me kryeqytetasit.
